Facebook
Twitter
Problem melden

Herr Flühmann Songtext

Über ihn macht mäh sich gärn e chli luschtig
Sie meine är heig nüm aui Tasse im Schrank
U sie schmunzle wenn sie mit ihm redä oder sie brüehle
Aber mit sim nöiä höhrgrätli ghört er so guet wie aues wenn er wot
Jedä Morge nachem ufstah hockt er häre i dä sässu wo so aut isch wie er
Zündet sich sis zmorge a u breitet d tageszitig us
Churz vorem mittag chunnt d schwiegertochter u wärmt ihm d räschte vom vortag oder chochet ihm e bütelisuppe
Er luegt nid uf gueti Maniere wenn er isst es hocket eh nie öper am Tisch wo s chönnt störe das er schlürflet u schmanzet
U es isch ihm glich das er ging alleini isst er gniessts sogar nennts dr zwöit früehlig mit de dritte zähng

So gseht e Tag us bim Herr Flüehmä
Öb d Sunne schiint öbs schiffet oder schneit
Es weisses niemer eso guet wie dr Herr Flüehmä
Dass d Zit springt aber glich nid vergeit

När gönnt er sich e Inkarom Kafi woner mängisch miteme Schüssli Kirsch verfineret
Lost „Rendez-vous am Mittag" usem Transischterradio u macht när es chlises Mittagsschläfli
Am Namittag sträut er die paar dünne wiise Härrli wonim no si blibe vom linke zum rächte ohr
Schwümmt es paar Längine im Pitralon u macht sich uf d Wäut ga ds erobere wiener so schön seit
Vier oder füf Statione mitem Tram bis ads Änd vo dr Stadt u när wieder zrüg däm seit er Usflug

So gseht e Tag us bim Herr Flüehmä
Öb d Sunne schiint öbs schiffet oder schneit
Es weisses niemer e so guet wie dr Herr Flüehmä
Dass d Zit springt aber glich nid vergeit

Jedä Abe hockt er häre i dä Sässu wo so au isch wie er u zündet sich sis Znacht a
Er suecht im Amtsblatt i de Todesazeige nach bekannte Näme
Aber das chunnt nume no säute vor
När spüut er sini Bluetdrucktablette miteme Glesli Rote abe
Nimmt es Blofi u schribt e einzige Satz ufe Wandkalender wonim e Versicherigsgsellschaft het gschänkt
„Wed nid wosch das d Miuch suur wird de lasch sie gschider i dr Chueh

So gseht e Tag us bim Herr Flüehmä
Öb d Sunne schiint öbs schiffet oder schneit
Es weisses niemer eso guet wie dr Herr Flüehmä
Dass d Zit springt aber glich nid vergeit
Dass d Zit springt aber glich nid vergeit
News
Jon Bon Jovi: Kein Fan von ‚Livin' On a Prayer‘
Vor 1 Tag
Jon Bon Jovi: Kein Fan von ‚Livin' On a Prayer‘
Taylor Swift: Von Album-Erfolg überrascht
Vor 5 Stunden
Taylor Swift: Von Album-Erfolg überrascht

Album Finitolavoro - The Rimini Flashdown Part III (2015)

Patent Ochsner
  1. 1.
    Prolog
  2. 2.
    Sunny Side Up
  3. 3.
    Galgenfeld
  4. 4.
    Grill
  5. 5.
    Nachlass
  6. 6.
    Eine Vo Dene
  7. 7.
    Callboy
  8. 8.
    Da Für Di
  9. 9.
    Schmierfett
  10. 10.
    Tagesizeut
  11. 11.
    Bieris
  12. 12.
    Roubtier
  13. 13.
    Herr Flühmann
  14. 14.
    Ausklaar
  15. 15.
    Epilog
  16. 16.
    Finitolavoro
Patent Ochsner - Herr Flühmann
Quelle: Youtube
0:00
0:00
Made with in Berlin
© 2000-2024 MusikGuru