Schöne neue Welt Songtext

von Kasalla

Ich jaach dä janze Daach, durch dat dijitale Land
Ich han immer stramm zo dunn, met däm Handy en d'r Hand
Mer muss ja wesse, wat mer wesse muss, wat he passeet
Morjens - middachs - ovends, immer immer es jet los

Schwaad ruhig wigger, ich tipp nor koop op mingem
Smartphone röm
Ich hür Dir zo, ich mööt nor luure, ob ich online ben
Nä, nä, ich bin janz Uhr! Äh, wat häs Du jesaat?!
Multitasking, ich han nur 24 Stunde jede Daach.

Un en d'r Bahn - luure alle lück op ihr mobiles Endjerät
Op d'r Stroß - luure alle Lück op ihr mobiles Endjerät
En d'r Kneip - luure alle Lück op ihr mobiles Endjerät
Schalt de Satelitte uss, domet dä Dress e Engk hät!

Ich muss immer alles kommuniziere
Ich muss alles immer dokumentiere
Pooste, folje, erömposaune, alles en et Net jestellt
Jeder es dä neue Held, wat en schöne Welt

Ich muss immer alles kommuniziere
Ich muss alles immer dokumentiere
Jeder soll et hüre durch et mediale Mejafon
Luur he, mi Lääve es en dijitale Sensation

Ich jon su jään zo nem Konzert, ich ben immer do
Fotos immer von links bovven, Schnuut jetrocke, jot esu?!
Et jeiht loss, Handy erus, hühjehalde en de Luff
Nix mitbekumme vun dä Show un alles schön op Video

Luur, wo ich ald widder ben - dat jefällt mir
Luur ens en ming Köch erin - dat jefällt mir
Luur, wat ich jejesse han! - dat jefällt mir
Luur wie schön ich jedrisse han - jefällt et Dir?!

Op d'r Stroß - luure alle Lück op ihr mobiles Endjerät
Un en d'r Bahn - luure alle lück op ihr mobiles Endjerät
En d'r Kneip - luure alle Lück op ihr mobiles Endjerät
Schalt de Satelitte uss, domet dä Dress e Engk hät!

Oh-oh-ohoooo ...

Satelette övver dä Stadt
Hüre alles wat de sääs aff
Ihr sollt alle kommuniziere,
Dann künne mir üch besser kontrolliere

Mir han üch op d'r Liss domet janz sicher es
Dat he och keiner vun üch ene Terroriss es
Satelitte övver der Stadt ...

Ich muss immer alle kommuniziere
Ich muss alles immer fotojrafiere
Jeder soll et hüre durch et mediale Mejafon
Luur he, mi Lääve es en dijitale Sensation

Oh-oh-ohooo...