Wilhelm Tell Songtext

von Linard Bardill

Mine Fründ, der Wilhelm Tell,
Isch im Fall nid eso schnell.
Wenn mi öpper drangsaliert,
Kunt er zwar scho agmarschiert,
Doch bis er gfrogt hät, was do goht
Isch es meischtens scho viel d'spoot.

Mit zehn Öpfel in de Säck
Kunnt er nid so rächt vom Fleck,
Und die hundertzwanzig Pfiil,
Wo ner umetreit, sind z'viel.
Au si Armbruscht isch im Fall
Statt us Holz us Altmetall.

Öppe seit er:"So isch's halt,
Du bisch jung, und I bin alt,
Und sone alte Maa
Macht scho, was er mache ka,
Doch en Schnellzug, wett I meine,
Isch er sternefüfi keine!"

Und so sitzend mier im Park,
Und I fühl mi trotzdem stark.
Wil der Wilhelm Tell neb mier
Isch e richtigs Musketier,
Wo kann stundelangi Gschichte
über ds Glück vom Freisii brichte.