Sternschnuppesuppe Songtext

von Linard Bardill

Der Papa bloost ins Füür,
Und d'Mama rüert und macht.
Mier isch es nid ganz ghüür,
Was git ächt das hüt Nacht?

En Topf stoht uf drei Bei
Und ds Wasser brodlet scho,
Kli Salz, en grüene Stei,
Der Vollmond isch am kho.

Sternschnuppesuppe...

Nu rüere, immer immer rüere,
Seid d'Mama, bis es blitzt.
En Selleri luegt füre,
Der Papa bloost und schwitzt.

Jetzt gsehn I uf der Suppe,
Laternli lüchtend fiin,
E frechi Schnuppegruppe
Vo Sterne gross und kliin.

Sternschnuppesuppe...

Der Papa dä isch zfride,
Er holt es Blatt Papier
Mit eme Wunsch drufgschribe,
Das wörfe mer ins Füür.

Er seit mer liis in ds Ohr
"Mit dem Suppegmisch
Wird üsre Wunsch denn wohr,
Vors nögschtmol Vollmond isch."

Sternschnuppesuppe...