Wintahimme
Wånn da jaga iban
Bettlmandltauan steaht
Nåchand is winta
Und da reifrost steckt
Seine glåsscherm auf de bam
Da monat kuglt hoam
åls wia r a blinta
Und jåg ma schwåchze
Vegl durch de tram
Durchn hohlweg
Påcknt s nur de stårchn
Und iban kreizweg
Kå nid jeda geah
Da oa wi s wissn
Zacht an muaz an gåchn
Da åndre huckt se hi
Und låßt ålls steah
Wånns d a wåhrat håst
Brauchst d neama streitn
Und wånns d n weg woaßt
Nåchand brauchst nid frågn
Da wintahimme
Edr håt 1000 seitn
Und mittn drei håst schne
Dein steang valång