Es ged so Tääg (Lied) Songtext

von Peach Weber

Es gid so Tääg, diä söd i gar nid afo,
Dia söded scho churz nachem Z'morgä ferdig si,
Es gid so Tääg, do södisch gar nid usä,
Do stellsch de Wecker ab und losch es no chli pfusä.

Es gid so Tääg, diä sind am Morgä scho im Eimer,
Und chömet de ganz Taag eifach nüm zum Eimer us,
Es gid so Tääg, diä sind so dunkel wiä in ärä Chuä,
Und du füäusch di grad wiä mid zwe linkä Schuä.

Es gid so Tääg do gheit dr alles us dä Finger,
Und du dänksch oder pfingsch de Taag giängs ringer,
A jeder Tür do chlämsch du dir de Pfotä i,
Und dänksch i hoff, de Taag seig bald verbi.

Es gid so Tääg, do södsch doch gar nüd machä,
ämol käs Liäd oder irgendöbis zum Lachä,
Chasch sicher si, sgod dr alls id Hosä,
Und das Liäd isch sicher gräuähaft zum losä.

Es chund au stundälang kä richtigä Refräng,
Mi frig sich ob's ächt uf dä zwölfi Zug no längd,
Wenn i das singä jo do schlofä alli i,
Drum loni jetzt diä hundert leschtä Stroffä si.

Es gid so Tääg, do bini eifach grausam müäd,
Do chas scho ge das sich das Liäd id Lengi ziät,
I nima a ir wüsset alli wani mein,
Am somänä Tag do muäss i eifach albmacht ei.

Und wend am Obig frogsch was hani hüt so gmacht,
Wennd ehrlich bisch ferdiänsch jo nid ämou dr Z'Nacht,
De gosch haut oni Z'Nacht is Bed du bisch so müäd
Und dasch jetzt s'àndi fo däm himmutrurigä Liäd.