Bedeutung Übersetzung
Facebook
Twitter
Problem melden

I Han Es Zündhölzli Azündt Text

I han es Zündhölzli azündt
Und das het e Flamme gäh
Und I ha für d'Zigarette
Welle Füür vom Hölzli näh
Aber ds Hölzli isch dervo-
Gspickt und uf e Teppich cho
Und es hätt no fasch es Loch I Teppich gäh dervo

Ja me weiß was cha passiere
We me nid ufpasst mit Füür
Und für d'Gluet ar Zigarette
Isch e Teppich doch de z'tüür
Und vom Teppich hätt o Grus
Chönne ds Füür is ganze Hus
Und wär weiß, was da nid alles no wär worde drus

S'hätt e Brand gäh im Quartier
Und s'hätti d'Füürwehr müesse cho
Hättid ghornet I de Strasse
Und dr Schluuch vom Wage gno
Und sie hätte Wasser gsprützt
Und das hätt de glych nüt gnützt
Und die ganzi Stadt hätt brönnt, es hätt se nüt meh gschützt

Und d'Lüt wären umegsprunge
I dr Angscht um Hab und Guet
Hätte gmeint s'heig eine Füür gleit
Hätte ds Sturmgwehr gno ir Wuet
Alls hätt brüelet: Wär isch tschuld?
Ds ganze Land I eim Tumult
Dass me gschosse hätt uf d'Bundesrät am Rednerpult

D'UNO hätt interveniert
Und d'UNO-Gägner sofort o
Für ir Schwyz dr Fride z'rette
Wäred beid mit Panzer cho
S'hätt sech usdehnt nadisna
Uf Europa, Afrika
S'hätt e Wältchrieg gäh und d'Mönschheit wär jitz nümme da

I han es Zündhölzli azündt
Und das het e Flamme gäh
Und I ha für d'Zigarette
Welle Füür vom Hölzli näh
Aber ds Hölzli isch dervo-
Gspickt und uf de Teppich cho -
Gottseidank dass i's vom Teppich wider furt ha gno
Fragen über Mani Matter
Wie ist Mani Matter gestorben?
Wie alt ist Mani Matter?
Wo ist Mani Matter geboren?
Wann wurde Mani Matter geboren?

Album Und so blybt no sys Lied (2016)

Mani Matter
  1. 1.
    Nei säget sölle mir
  2. 2.
    Dynamit
  3. 3.
    Hemmige
  4. 4.
    Alls wo mir i d Finger chunt
  5. 5.
    Die Strass, won i dran wohne
  6. 6.
    Ds Heidi
  7. 7.
    Dr Sidi Abdel Assar vo El Hama
  8. 8.
    Wo mir als Bueben emal
  9. 9.
    Warum syt dir so truurig?
  10. 10.
    Was weiss i
  11. 11.
    I han es Zündhölzli azündt
    Übersetzung
  12. 12.
    Us emene lääre Gygechaschte (Aus einem leeren Geigenkasten)
  13. 13.
    Dr Gloon
  14. 14.
    Mir hei e Verein
  15. 15.
    Eine vo de beschte Lüt
  16. 16.
    Meierysli
  17. 17.
    Ds Lotti (Yorime no Lotti)
  18. 18.
    Dene wos guet geit
  19. 19.
    Ds Lied vo de Bahnhöf
  20. 20.
    Chue am Waldrand
Mani Matter - I Han Es Zündhölzli Azündt
Quelle: Youtube
0:00
0:00
Made with in Berlin
© 2000-2024 MusikGuru