Du sogst euer Beziehung
Is' so anders wuan,
Denn über all die Joar
Hot sich die Liebe verluan,
Du manst des is' hoit so
Der Lauf der Dinge,
Verliebt sein hoit net ganz so lang
Wie Eheringe.
Mir is' scho' kloa,
Daß man sich aneinander g'wöhnt,
Und, daß der graue Alltag
Net wie Flitterwochen rennt.
Doch trotzdem muaß I dir
No amoi wos sog'n,
Denn in mein Herz
Do brennen a poar Frog'n:
Refrain:
Wie wa' des,
Wennst ihr wieder amoi
Blumen bringst,
Manchmoi früher ham kummst,
Und vü weniger trinkst,
Wie wa' des wann du sogst,
Daß du gern bei ihr bist,
Und außerdem net jedes Joar
Den Hochzeitstog vergißt?
Denn sie erwoat wirklich
Kane Wunder vom Leb'n,
Doch I bin überzeugt
Es könnt euch vü mehr geb'n,
Wenn ihr euch mehr bemühts,
Nur du und sie,
Wie wa' des, wie wa' des für di'?
Du sogst, daß a Beziehung
Boid den Reiz verliert,
Weil vieles mit der Zeit
So selbstverständlich wird,
Geh' bitte denk doch z'ruck
An die erste Zeit
Mit Kleinigkeiten
Mochst die größte Freid:
Refrain