Op mingem Finsterbrett do kloppe Röndroppe dr Tack.
Wenn dat su wiggerjeiht, dann weed ich noch vum Düvel jepack.
Zick drei Daach setz ich he, häng nur en minger Bud eröm.
Wat solll mr maache, wo soll mr hin,
Vell zo lang han mer kein Sonn mih jesinn,
Noh immer:
Rän, Rän, Rän
Zick drei Daach hammer he blos
Rän, Rän, Rän
Mr traut sich ja nit op de Stroß
Rän, Rän, Rän
Su Sauwedder
Dat Fernsehprojramm dat kann ich och bal nit mih sin.
Et Traumschiff unger Palme en dr Sonn, ich luur ald ja nit mih hin.
Die maachen einer fädich un dat noch met System.
Ming Alpdräum vom Urlaub, die wedden langsam zom Problem,
Denn et eß jetz ald am räne zick Mittwoch halver vier.
Hück hammer Friedach Ovend, un ich krije et ärme Dier
Bei dam:
Rän, Rän, Rän
Zick drei Daach hammer he blos
Rän, Rän, Rän
Mr traut sich ja nit op de Stroß
Rän, Rän, Rän
Su Sauwedder
Luur ich us'em Finster, sin ich bloß noch Lück, die't ielich han.
Do bliev ich leever he en mingem Zemmer, wo ich et drüch han kann.
Als Usjlich maach ich mich met nem jode Dröppche vun inne naß.
Su määt daan och et allerschlemmste Wedder noch e beßje Spaß.
Dr Schirmverkäufer hät Huhsäsong.
Bei mer do steiht ne halve Meter Wasser om Balkon,
Nur vum:
Rän, Rän, Rän
Zick drei Daach hammer he blos
Rän, Rän, Rän
Mr traut sich ja nit op de Stroß
Rän, Rän, Rän
Su Sauwedder