Dor föhr von Hamborg mol so'n ool Kasten
Mit Namen heet he "Magelhan"
Dor weer bi Dag keen Tied to'n Brassen
Dat würr denn avends allens daan!
Bi Dag, dor kunn dat weihn un blasen
Dor würr noch lang keen Hand anleggt
Doch slögg de Klock man erst acht Glasen
Denn weer de ganze Plünnkraam trecht!
Rolling home, Rolling home
Rolling home across the sea
Rolling home to di old Hamborg
Rolling home, sweetheart, to di!
Dat weer so recht den Ool sien Freeten –
Dat güng em över Dans un Ball –
Harr Janmaat graad sien Piep ansteken
Denn gröhlt he: "Pull den Grootmarsfall!"
Dat kunn de Keerl verdüvelt seggen
He jöög uns rüm von Fall to Fall
Dar kunn man pullen, rieten, trecken
Un kreeg gewöhnlich kenen Toll!
Rolling home, Rolling home
Rolling home across the sea
Rolling home to di old Hamborg
Rolling home, sweetheart, to di!
Un up den heilgen stillen Freedag
Geev't middags gele Arfenjüch
Un ok enmal up'n Buß- und Betdag
Dar see de Kerl: "Den kennt wi nich!"
He harr sik aver böös verrekent
De Lüüd de seen: "Wi arbeit' nich!"
Dar schraal de Wind uk noch fiev Streken
Wat weer der Kerl dunn gnatterig!
Rolling home, Rolling home
Rolling home across the sea
Rolling home to di old Hamborg
Rolling home, sweetheart, to di!
Un uk den Groot noch to vergeten
Dat weer en richt'gen olen Klaas
Den kun de Ool as'n Buurjung necken
He lickt em darüm doch in'n Moors!
An Land, dar kunn he dat wull blasen
Da prahl de Kerl, ik weet nich wie
Doch fung't up See mal an to asen
Kreeg he vör Angst de Schieterie!
Rolling home, Rolling home
Rolling home across the sea
Rolling home to di old Hamborg
Rolling home, sweetheart, to di!
Drum "Magelhan", du olen Kasten
Düt Leed schall di en Denkmal sien!
Wenn't regent schrapt de Lüüd de Masten
De Poten kriegt se von dat Swien
All Daag do würrn de Enns terreten –
Wie kunn dat denn uk anners gahn!
De hele Seefahrt, de is bescheten –
Toeerst de Klipper "Magelhan"!
Rolling home, Rolling home
Rolling home across the sea
Rolling home to di, old Hamborg
Rolling home, sweetheart, to di!
Writer(s): Traditional, Gabriella Lewis
Lyrics powered by www.musixmatch.com