He an dä Stell su vür knapp dressich Johr
He hammer jestande, jedräump un lange Hoor.
De Jittar jeschnapp, op de Bühn, letzte Rund
Zom viertemol "Help!", weil et Gerti drop stund.
Blome em Hoor, "Sergeant Pepper" em Kopp
Un doch wood sich drusse öm de Mädche jeklopp.
Wochenäng Razzia, zehn Uhr vorbei
Ming Fründin erwisch, keinen Ausweis dobei.
Refrain: He hammer all schon ens Musik jemaat
Niemols vun Morje un Sorje jeschwad,
'Ne Blaue für jeden, Mädche un Bier,
Dat all es e Stöckche vun dir un vun mir.
Die "Screamers", die "Beat Stones", die "Shades", "Guys?n Doll"
Samsdaachs un sonndaachs wor dä Laade brechend voll
Un soss mer bes morjens am Rhing en ener Rund
Dann mot us 'ner Band widder einer zom Bund.
Refrain: He hammer all schon ...
Su manchesmol wenn ich die Bilder hück sin
Dann hölt mich die Zick - un et "Rheinhotel" en.
Ston se dann all su wie vür dressich Johr
Un singe: "The Sun ain't gonna shine anymore".