Oh Herr setz dem Üvverfluss Jrenze
Un loß de Jrenze üvverflüssich weede.
Loß de Lück kein Falschjeld maache.
Ävver och et Jeld kein falsche Lück.
Nemm dä Wiever et letzte Woot.
Un erinnere die Männer aan ihr eetstes.
Oh Herr setz dem Üvverfluss Jrenze
Un loß die Jrenze üvverflüssich weede.
Herr sorch dofür !
Herr sorch dofür !
Herr sorch dofür !
Oh Herr schenk de Fründe mieh Wohrheit.
Un d'r Wohrheit immer mieh Fründe.
Hilf dä Beamte un all denne Tätije,
Die wohl tätig, ävver nit wohltätig sin.
Jevv dä Rejierende e besser Deutsch
Un dä Deutsche en bessere Rejierung.
Oh Herr, schenk de Fründe mieh Worheit,
Un d'r Wohrheit immer mieh Fründe.
Herr sorch dofür !
Herr sorch dofür !
Herr sorch dofür !
Un kütt et Engk für uns he op Ääde,
Oh Herr, dann loß uns all Engelcher weede.
Herr verjevv uns all unser Sünde.
Mir han dir doch dä schöne Dom jebaut.
Loß uns bitte en d'r Himmel ren.
Und hald de Dür, oh Herr, nit zo vun enne.
Un kütt et Engk für uns he op Ääde,
Oh Herr, dann loß uns all Engelcher weede.
Herr sorch dofür !
Herr sorch dofür !
Herr sorch dofür !
Ävver loß d'r noch Zick !!!!!!!!!!!!!!!!!!!!!
Ävver loß d'r noch Zick !!!!!!!!!!!!!!!!!!!!!
Ävver loß d'r noch Zick !!!!!!!!!!!!!!!!!!!!!