N'abend, Wellenreiter,
Saach wie jeht et dir?
Höchstens als ens zweiter oder dritter
ävver miehßtens nit ens Nummer vier,
Läuvs do pausenlos dä Trends
Wie 'ne Komparse hingerher,
Echt, dat däät mich öden
Un zwar schwer.
Wie e Wetterfähnche
Driehßte dich em Wind.
Woher dä jraad weht ess dir ejal,
De Haupsaach ess, et ess der neuste Wind,
Vun dir selvs blieht kaum jet övvrich,
Nur op dat wat ahnjesaat
Fährste aff,
Als bröötste en Schublaad.
Wat ess bloß passiert,
Dat do su mutlos bess,
Dat ding Power fott ess, dat do dich
Dermaßen selver opjejovven häss,
Ratlos römmläuvs wie 'ne Schatten,
Dä sich kleinmäht wie ne Zwerch,
Der mir vüürkütt,
Wie 'ne Ohß vüürm Berch.
Hühr ens, Wellenreiter,
T'ess nit alles Driss
T'süht zwar echt su uss,
Doch künnt et sinn dat je nachdem
Noch jet ze ändre ess,
Nur, wie du jetz bess, pass du dänne
Janz prima ent Konzept,
Die dich su hann wollte,
Halt als Depp.
Writer(s): Dominik Haas, Uwe Kobler
Lyrics powered by www.musixmatch.com