Bap

Niemohls verstonn Lyrics Bap

Album Amerika

Bap - Niemohls verstonn Songtext

1)
Er wonnt ahm Stadtrand, vier Zemmer, Bad, Balkon,
trick sich leger ahn ... miehstens Ton en Ton.
Un er fährt bleifrei, dä Huusmüll weed sortiert,
wählt liberal un er weiß, wat sich jehührt.

Er weiß, wo't langjeht, hätt Perspektive,
'ne Typ wie er weet nie die kleinste Chance versiebe,
ess joot versichert, hätt sing Rente jeklääv,
sick Johr un Daach für sing Karriere jelääv,
litt miehstens wach, wenn sie deit als ob se schlööf.

Refr.:
Un er weed niemohls verstonn,
nä, dä weed niemohls verstonn,
nä, dä weed niemohls kapiere.
Wenn sie't ihm säät, dann ess alles zo spät.

2)
Met sibbzehn wohr'e für sie Steve Mc-Queen,
dä's jraad em Fernsehn , deshalv fällt ihr dat enn.
Se luhrt'en ahn un fröht sich, wat'e jraad denk,
dat sie'n noch nie met ir'ndner Kritik jekränk.

Er's immer pünklich, besteht op Ordnung
un op'e Fröhstöck met ner unberührte Zeidung,
hätt sich en all dä Johre niemohls verdonn,
ahn singer Sick, hätt mer'ne Platz ahn der Sonn,
er ess dä Inbegriff vum Traumschwiejersonn.

Refr:.
Un er weed niemohls verstonn,
nä, dä weed niemohls verstonn,
nä, dä weed niemohls kapiere.
Wenn sie't ihm säät, dann ess alles zo spät.

Refr.:
Un er weed niemohls verstonn,
(2x) nä, dä weed niemohls verstonn,
nä, dä weed niemohls kapiere.
Wenn sie't ihm säät, dann ess alles zo spät.
Teile diesen Songtext
Erklären
Okay
Durch weitere Benutzung dieser Webseite stimmst Du unseren Datenschutzbestimmungen zu