Abspielen

Bap - Lisa Songtext

Efeu klimmp ahn Backsteinmuhre, Stacheldroht setz Rost ahn – doch Lisa kann nit drövver luhre. Will och nicht. Do's zuvill noch ahn Passiertem, dat noch immer nit verdaut. Bilder, jän die se sich wehrt. Doch dat, wovüür't ihr ahm allermiehßte graut, ess de Logik, noh der sie hedrinn erlööß weed. Dä Kleine ess bei fromme Lück jetz – ohne Jold, Purpur un Türkis. Adoptiert, als se jraad clean wood, he'n dämm Kuckucksnest-Verließ. Sie, die plattjefahrne Katze met heimbraat. Has un Ijel, die se flöckl hinger'm Huus beerdigt – dofür ussjelaach wood. Et heeß: "Lisa, die esst verröckt" Nur für Lisa, die Verstörte, jilt dat nit, die sich für'n Hillije hällt, für'n mißverstandne Fee, für'n Madonna, die'n 'ner Folterkammer ligg. Se ess Leechtjohre entfernt un trotzdämm he. Lisa sieht sich wie se kusch ess – brave Tochter, trautes Heim. Durchschnittshorror artig rinnfriss, bess se platz, dann fleje Stein jäje Mörder, die als Biedermann jetarnt. Dann me'm Mario dat Kind. Un schon widder weed "Verröckte" sie jenannt vun dänne, die su "normal" sinn.
Teile diesen Songtext
Erklären
Okay
Durch weitere Benutzung dieser Webseite stimmst Du unseren Datenschutzbestimmungen zu