Am Finster steis de hinger de Jardinge
Un wats dodrop dat jet passiert
Wenn nix es wees du schon jet finge
Du häs bis jetz noch jeden anjeschmiert
Denn et einzije wat du kanns es denunziere
Söns häs du nix jeliert
Un deit ens einer nit direk pariere
Weed hä vun dir flöck schön rasiert
D'r Polizei es dat at richtich peinlich
Die jeit at laufe wenn se dich nur rüch
Se versteche sich hinger dem Schreibdesch
Bis dinge Jestank sich widder verflüch
Du fiese Möpp - schnick, schnack, schnuggedidöpp
Du ärme Möpp
Du häs bestemp en Bomb jeköpp
Dat du üvverhaup en Frau häs
Dat jrenz at an e Wunder sach ich dir
Ich nemmen an dat du die an de Kett läs
Vun morjens aach bis meddachs öm vier
Jo zum laache jeiste en d'r Keller
Un mäs noch nit ens et Leech dobei an
Will einer jet vun dir dann jeis de schneller
Du lies keiner an dich dran
Fiert m'r ens Jebootsdach oder Kinddäuf
Jeit dat doch nit leis dat es normal
Doch statt du dich einfach met uns met freus
Mäste uns et Levve he zur Qual
Du fiese Möpp - schnick, schnack, schnuggedidöpp
Du ärme Möpp
Du häs bestemp en Bomb jeköpp
Doch ejal wat du denne Lück och andeis
Se hassen dich nit dofür
Ich jläuve dat de inne mihstens leid deis
Spells de och jefährlich met dem Für
Du fiese Möpp - schnick, schnack, schnuggedidöpp
Du ärme Möpp
Du häs bestemp en Bomb jeköpp !
Writer(s): Jürgen Fritz, Kai Engel, Thomas R. Engel
Lyrics powered by www.musixmatch.com