Et jöv en Kölle kein einzije Bröck
Vun dr stadtmuur stünd noch nit ens e janz klei stöck
Kei einzich jlöckche dät jon
un selvs dr Dom dät noch nit ston
Et jöv keii fuhrwerk un kein stroß,
Kei brütcher, kei kölsch-et wör janix mieh loß
Wie stünde mr hück ohne uns handwerkslück da
Hätten sie dat nit klorjemaat vor 600 johr
Refrain:
Met breef un siejel, hätz un verstand
Offen un ihrlich hand in hand
Met einem schwur zesammeston
Nur et beste för kölle un de minsche dun.
Die erzbischöff woren damals verdammp fiese möpp
Han uns kölsche nur jepiesack un jeschröpp
Un die riche säck vun dr richerzech
Stoche sich et miehste jeld in de eijne täsch
Doch uns gilde, zünfte un jaffele maate domet en eng
Nohmte et rejiere en de eijene häng
Alle för einer un einer för all
Zesamme stark op jeden fall
Refrain:
Met breef un siejel, hätz un verstand
Offen un ihrlich hand in hand
Met einem schwur zesammeston
Nur et beste för kölle un de minsche dun.
Un su kome se drückzehnsechsunnünzigzich zesamme
Woll- un leinenweber, kauflück, färber, joldschniede
Kürschner, möler riemenschneider, steinmetze, bäcker
Brauer, jürtelmacher, metzjer, feschmenger schnieder
Schuster, hamischmacher faßbinder un kannejeeßer
Un joven sich en eijene verfassung jennant
Dä kölsche verbundbrief
Un alles ohne jewalt un blootverjeeße
Refrain:
Met breef un siejel, hätz un verstand
Offen un ihrlich hand in hand
Met einem schwur zesammeston
Nur et beste för kölle un de minsche dun.