Mer sin he bei dr Feruerwehr
Wo jeder jeden kennt
Jo mer vun dä Freiwillije
Lösche öfters wie et brennt
Qualmp irjendwo en ahle Schür
Brennt anderswo e Hus
Dann röcke mer met alle Mann
Em Spretzewage us
Et brennt et brennt, et brennt
Die Feuerwehr die rennt!
Wasser Marsch söns es dat Huus kapott
Mer röcke an met alle Mann
Jeder lösch su jot hä kann
Et För, dat es ne Schweinehungk
Dat mr bekämpfen muss
Sprich beim Appell dr Kummandant
Do schellt et wie bestuss
Dä Jupp dä schreit, dat es Alärm
Do brennt irjentjet av
Un zack do flutsche fuffzehn Mann
De Bunnestang erav
Et brennt et brennt, et brennt
Die Feuerwehr die rennt!
Wasser Marsch söns es dat Huus kapott
Mer röcke an met alle Mann
Jeder lösch su jot hä kann
Un kumme mer vum lösche heim
Dann weed jot nohjespöhlt
Su dat mr noch am andere Daach
Dä Brand em Raache föhlt
Dä Weet vun unsem Löschlokal
Fingk dat besonders nett
Weil jeder vun dr Feuerwehr
Ne starke Löschzoch hätt
Et brennt et brennt, et brennt
Die Feuerwehr die rennt!
Wasser Marsch söns es dat Huus kapott
Mer röcke an met alle Mann
Writer(s): Franz-martin Willizil, Gunter Steinig, Jan-peter Fröhlich, Peter Horn-peters, Peter Werner-jates
Lyrics powered by www.musixmatch.com