Do häß jessat, et lit bestimmp nit an dem Mundjeruch,
Dem Plätekopp, dem eine Aug un an dem decke Buch
Un dat met dingem plattjefahrenen Wage es nit schlemm,
Ne Fründ vun mir es Schreiner, dä kritt dat widder hin.
Jetz han ich ald drei Mond vun dir nix mih jehot,
Bes op die eine Kaat, die do jeschrivve häß.
Do meins, dat Levve op Ibiza wör janit esu schläch
Un ich han langsam dat Jeföhl, du jeihs mr us'm Wäch.
Einsam - Einsam - ich ben esu einsam
Ech orjinal einsam un ich weiß wirklich nit woröm.
Okay, ich han nit opjepass - die letzte Zijarett,
Die rauch mer wemmer enschlöf am beste nit em Bett.
Nu bes ald fruh, ding Wunnung es nit komplett afejeflämmp,
Weil Jottseidank de Wäschmachine hät alles üvverschwemmp
Jetz häng ich jeden Ovend an dr Thek' eröm
Un denke dran wie schön et fröher wor.
För Kummer ben ich täglich nur noch stänejranatevoll.
Kanns do mr ens sage, wie ich dat ohne dich all bezahle sull?
Einsam - Einsam - ich ben esu einsam
Ech orjinal einsam un ich weiß wirklich nit woröm.
Einsam - Einsam - ich ben esu einsam
Ech orjinal einsam un ich weiß wirklich nit woröm.
Ich föh mich einsam ohne dich
Einsam - Einsam - ich ben esu einsam
Ech orjinal einsam un ich weiß wirklich nit woröm.