Hymna Songtext

von Gimma

Hymna
Jetzt isch alles in butter, miar händ super tschutter
Gimma und nid so meitli mit frisuura wia dr alain sutter
Und z'geilsta dra isch das isch gar nüma neutral
Hymna das land hät jetzt au stars, anderi nama und farba
Nama vo überall, das team isch jung und wild
Und z'spiagelbild vo kids us allna ecka vor schwiiz
Fertig schüüch am hänga,i will xeh fackla brenna
Bis mer träna khömend wia bim 4/1 geg rumänia
Jetzt wird scharf gschossa wia bir arme mit gwehr
Dr gegner wird in boda gstampft wia voma greni ter
I will a vorstellig vu schwiizer präzisionstechnik
I will dr ball im netz xeh wia bima george bregy
Will xeh wiamas fiirt wiana titelspiel am singa
Bis dia ganz schwiiz rot xeht wia am köbi sin zinka
Alle fahna schwanga, z'ganza stadion singt d'nationalhymna
Lönd si üs astimma
Das isch kein WM song, I nimma numa stellig
Welli I stolz bin uf jeda vo dem team und sina könig
Hymna do söll sich jeda mol a schiiba schniida vo dr moral
Und nid nur jommera laufts wider numa normal
Und bi jedera niderlag wider vonara kriisa schnorra
Jetzt stoht d'schwiiz do vrona und hät riisa schnora
üsers kliina land plogt nämli au dia ganza grossa
Luag d'franzosa ah heigschickt mit halba hosa
Jetzt isch verbi mit zittra, mer sind a stuufa wiiter
Alli händ jetzt schiss vor da struuba schwiizer
Rutschend mr dr buggel ab mer lönd üs nid schupfa
Z'ganza land schreit schu free beni huggel
Jetzt wird drugg gmacht im sturm und hina gsperrt
Alle und wenns si muas gspärzt, jetzt hät d'schwiiz as herz
As bruucht nur isatz und das ding isch gritzt
Das team isch fit, das ding im netz!!! los ab jetzt
Hymna

BRIDGE
Also ali zäma los as piar paratstella
Buuch ina bruscht ussa und hand ans herz, ya!
Erschta ton asinga... hmmm okay...
Mini dama und herra dia noi nationalhymna

REFRAIN
Machend alli zäma lärm für dia rot wiis fahna
S miar wänd nid an dia WM für an troschtpriis fahra
Sägend «GOOOLLL...» yeah das netz muas zappla
Sägend «GOOOLLL...» dia schüss müand kracha