Bap

Bap Time Is Cash, Time Is Money Lyrics

Übersicht

Time Is Cash, Time Is Money Songtext

T' fing alles ahn in en 'nem Charterjet, oder besser: T' wood jraad enjecheck – Frankfurt, Rhein-Main, Gate B5. Hä daach: "Hallo!". Sie kräät 'ne Finsterplatz, hä sooß ahm Jang, sechs Reihe vüür ihr, ävver jottseidank hatt' sie't me'm Darm un hä sooß treck ahm Klo. Hä hatt sing Fittneß-Center-T-Shirt ahn n'dank ihrem Abo für die Sonnebank wohr Jesprächsstoff do, die Zick verflooch em Nu. Zwei Baccardis jähe die Fluchangs, beim vierte griffe dann noh ihrer Hand: Time is cash, time is money. Hä nannt'se Julia, sie'n Romeo, denn bei der Landung wohrn se längs per du. Vum Airport dann mem Taxi treck nohm Camp (met Stacheldroht vum Pöbel affjetrennt); Begrüßungscocktail, Eintausch "Muscheljeld", un schon wohr'n coole Atmosphäre en der Luff, die air-conditioned (absolutes Muß!). Op jedem Lendeschurz stund drop: Club Robinson. Julia sprach: "Ich mach mich schnell mal frisch" zu Romeo, dä längs schon ungerm Desch looch un vum letzten Johr en Thailand ahm dräume wohr: Vun flinke Häng, die für'n winz'je Spende fottjezaubert Ping uss Kopp un Lende – bess Julia, de Hohr jeföhnt – Schneewittchen-like – ihr Prinzje weck un stöhnt: "Wake up, Honey!" Wat dann kohm, wohr'n drei Woche "Paradise", pauschal jebuch, un dat wohr very nice – Swimming pool met Barbecue un Diskothek. Einjebohrne ahm Salatbuffet, en folkloristische Livrées jesteck, numeriert, weil die sich ähnlich sinn – wie jeck!. Janz ze schweije vun dämm Sightsee-Trip, jäje Aufpreis op 'nem Sailboat-Ship, met paar nette gleichjesennte Robinsons. Nur als se op dä Surflehrer stund, wood unserm Kavalier dat doch ze bunt un time is cash, time is money hätte sich do nit lang met römmjequält 'n schon woot dat Schwein zur Direktion bestellt (Dat fand'e nämlich övverhaup nit funny). Hä verdealt jetz widder Videos un Julia dräum vun ihrem Romeo, en nem Großraumbüro, ir'endwo 'n Iserlohn. Schon für die Dias doheim em Rejal hätt sich dä Trip jelohnt – da's doch wohl klar! Letztens wohr dä janze Tennisclub ech platt. Och wenn'e bessje övverdrevve hätt – vun wäje, wer'e all em Bett jehatt hätt... . Su vill Frischfleisch hatten die 'm nie zojetraut. Fotos: Hä met Hula-Hula-Nejer. Wett-Trink-Party: Hä natürlich Siejer. Hä Arm en Arm met der Miss Robinson, die Medizin studiert en Iserlohn – oder wohr't Hagen?
Time Is Cash, Time Is Money Übersetzung

Ähnliche Songtexte

Erklären
© 2000-2014 www.golyr.de